Immigrazioaren drama
'Arrazakeria instituzionalarekin' amaitzeko eskatu dute Gernikan
AGENTZIAK | ERREDAKZIOA
Erakundeen inplikazioa eskatu du Ongi Etorri Errefuxiatuak plataformak, "kulturartekotasuna, inklusioa eta harrera duina sustatu ditzaten"
Your browser doesn’t support HTML5 video
Euskadira heltzen diren errefuxiatuen eta migratzaileen harreran inplikazio handiagoa eskatu die euskal erakundeei Ongi Etorri Errefuxiatuak plataformak, igande honetan Gernikan egindako ekitaldi batean.
Plataforma horretako Busturialdeko taldeak adierazi duenez, Euskadira heltzen diren pertsonen harrerari eta arretari dagokienez, gizarteak aurrea hartu die gobernuei, eta horren erakusle dira "erakundeak Bilboko kaleetan abandonatutako Afrikar jatorriko lagunei herritarrek eskainitako laguntza eta harrera".
"Erakundeei dei egiten diegu, arrazakeria instituzionalarekin amaitzeko helburuz, urratsak emateko, kulturartekotasuna, inklusioa eta harrera duina sustatu ditzaten", aldarrikatu du plataformak.