Gipuzkoa
Baltasarrek Errege Magoen sekretua jakinarazi die Andoaingo umeei
AGENTZIAK | ERREDAKZIOA
Geroago, Baltasarrek argitu duenez, "gaizki-ulertu bat" izan da, hark esan nahi zuelako gurasoak "etxeko erregeak direla, agintzen dutenak".
Baltasar erregearen artxiboko irudia. Argazkia: EiTB
Andoaingo Errege Magoen desfileak ezustekoa eman du larunbat arratsalde honetan, Udaletxeko balkoian zeudela, Errege Magoak "gurasoak" direla esan baitie Baltasarrek bertan bildutako umeei.
Sare sozialen bidez zabaldutako bideoetan ikus daitekeenez, Baltasarrek auzokideak agurtu ditu eta bere hitzaldia amaitu aurretik, honako hitz hauek bota ditu: "jakin dezazuen Errege Magoak gurasoak direla. Gabon, beste batera arte".
Este es el discurso de Baltasar en el pueblo de Andoain, Gipuzkoa. Final inesperado ¿¿¿ pic.twitter.com/DgfsHcQJ1I
— Carlos V (@ElCarlossssSs) 5 de enero de 2019
Geroago, Instagramen eskegitako bideo batean Baltasarrek argitu duenez, "gaizki-ulertu bat" izan da, hark esan nahi zuelako gurasoak "etxeko erregeak direla, agintzen dutenak".
Por favor, tranquilidad. El propio Baltasar ha querido aclarar el malentendido sucedido en #Andoain pic.twitter.com/E7R2kRNtHW
— Kevin Iglesias (@KevinIglesias19) 5 de enero de 2019
Ordurako, guraso askok bere sumina adierazi dute sare sozialetan; beste askok, ordea, barre artean hartu dute hanka sartzea.