Kanporatzea
Marokoko agintariek bi euskal ekintzaile kanporatu dituzte Mendebaldeko Saharatik
EiTB.EUS
Dirudienez, bi saharar ekintzailerekin biltzeagatik atxilotu zituzten Maku Florentino eta Dina Pardo, eta gaur bertan kanporatu dituzte.
Marokoko agintariek bi euskal ekintzaile atxilotu zituzten atzo Mendebaldeko Saharan, Equipe Mediak sare sozialen bidez jakitera eman duenez.
Dirudienez, bi saharar ekintzailerekin biltzeagatik atxilotu zituzten Maku Florentino eta Dina Pardo, eta bilera horretan zeuden beste bi lagunei indarrez eraso zieten.
Aaiun hirian atxilotu zituzten Marokoko Poliziak Haymouda Hamdaren etxea inguratu ondoren, han zeudelako bilduta.
Gaur bertan Kanarietara kanporatu dituzte.
Las autoridades de ocupación marroquíes, han retenido a 2 activistas vascas y les han retirado sus pasaportes. Después fueron expulsadas del territorio saharaui ocupado. El motivo:una reunión con activistas saharauis. Los que estaban con ellas fueron agredidos con violencia. pic.twitter.com/DwALjuUKpo
— Equipe Media (@Equipe_Media) 11 de abril de 2019
Urtea hasi zenetik 17 pertsona atxilotu dituzte Mendebaldeko Saharan; tartean begiraleak, kazetariak eta ekintzaile atzerritarrak.