COVID-19
Bruselak 37.000 milioi euro erabiliko ditu koronabirusari erantzuteko
Agentziak | Erredakzioa
Osasunari, enpleguari eta enpresa txiki zein ertainei zuzenduta egon da, koronabirusaren epidemiari erantzun ekonomikoa emateko.
Ursula von der Leyen, Europar Batasuneko presidenteak. EFE
Europako Batzordeak 37.000 milioi euroko inbertsioa egingo duela aurreikusi du, osasungintzan, enpleguan eta enpresa txiki zein ertainetan, koronabirusaren epidemiari erantzun ekonomikoa emateko.
"37.000 milioi euroko inbertsio bat egingo dugu osasun sektoreari, lan merkatuari eta kaltetutako sektore guztietako enpresa txiki zein ertainei laguntzeko", adierazi du Ursula von der Leyen Europar Batasuneko presidenteak prentsaurreko batean.
Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Batzordearen telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.