Itxi

KORONABIRUSA

Nafarroako Erizainen Elkargoak laguntza eskatu du mantalak egiteko

AGENTZIAK | ERREDAKZIOA

Leer en Castellano

Polipropileno oihala eskatu dute, inpermeabilizatutakoa eta ez dagoena (NOVOTEC, NEWTEX, TDT), spray inpermeabilizantea, mantalak banatzeko poltsak eta kaxak, jostunen lana eta garraioa. 

Nafarroako Erizainen Elkartea kezkatuta dago osasun langileen babeserako ekipo gabezia dela eta. Horregatik, Nafarroako herritar guztiei laguntza eskatu diete mantalak josi eta banatu ahal izateko.

#NavarraSolidariafrentealCOVID etiketarekin zabaldu dute ekimena euren Twitter kontu ofizialaren bidez. Mezu bidez zer behar duten azaldu dute, baita nola jarri eurekin harremanetan horiek eskaintzeko. Zehazki, polipropileno oihala eskatu dute, bai inpermeabilizatutakoa baita ez dagoena (NOVOTEC, NEWTEX, TDT) ere, spray inpermeabilizantea, eta batak edo mantalak banatzeko poltsak eta kaxak. Era berean, jostunen lana eskatzen dute eta garraioa. 

Ekimen honen helburua ospitaleetan, osasun zentroetan eta zahar etxeetan lan egiten duten osasun arloko profesionalek gaixoak segurtasunez artatu ahal izateko behar duten materiala lortzea da. Elkargotik bertatik antolatu eta banatuko lukete lortutako materiala.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Albisteak (6)