Itxi

Koronabirusa

Enrique Mayak positibo eman du koronabirusean

Agentziak | Erredakzioa

Leer en Castellano

Iruñeko alkatea isolamenduan dago, eta adierazi du etxetik jarraituko duela lanean, "aurreko astean egin zuen bezala".

Enrique Maya, Iruñeko alkatearen artxibo irudia.

Enrique Maya Iruñeko alkateak (Navarra Suma) sare sozialetan jakinarazi duenez, etxean isolatuta dago, koronabirusa atzemateko proban positibo eman duela jakin ostean.

"Koronabirusean positibo eman dudala jakinarazi didate", adierazi du Mayak Facebooken, eta albistearekin batera, etxean jarraitu beharreko segurtasun neurriak erantsi ditu.

"Orain egun batzuk etxean isolatuta, eta, horretarako, jarraitu beharreko argibideak eman dizkidate. Aurreko astean egin dudan bezala, etxetik lan egingo dut. Agur bero bat guztioi. Egoera hau amaitu egingo da", azaldu du Iruñeko alkateak.

Haren mezuak babes adierazpen ugari jaso ditu, bai herritarrenak, bai politikarienak, bere taldeko kideenak zein UPNko beste batzuenak.

Maya ez da Nafarroan koronabirusak kutsatu duen politikari ezagun bakarra, aurretik Manu Ayerdi, Eduardo Santos eta Elma Saiz kontseilariek, eta beste hainbat goi kargudunek, eman baitute positibo.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu; Osasun Batzordearen telefonoa, 900 20 30 50 zenbakia, eskuragarri duzu, zalantzarik izatekotan. Nafarroan bizi bazara, Osasun Batzordearen telefonora dei dezakezu: 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.