Itxi

Koronabirusa

Alarma egoeran ezarritako TAOko isunak baliogabetzea eskatu dio RACVNk Bilbori

Agentziak | Erredakzioa

Leer en Castellano

Real Automovil Club Vasco Navarrok Donostiako Udalaren urratsei jarraitzea eskatu dio Bilbokoari, hark TAOa bertan behera utzi aurreko isunak baliogabetu eta ordaindutakoen dirua itzuli baitzuen.

Martxoaren 27an, bertan behera utzi zuten TAOa, Bilbon. Argazkia: Efe.

Alarma egoera ezarri zutenetik aparkatzeko araudi hori bertan behera utzi arte jarritako TAOko isun guztiak baliogabetzeko eskatu dio RACVN Real Automovil Club Vasco-Navarrok Bilboko Udalari.

Ohar batean, isuna ordaindu duten guztiei dirua itzultzeko ere eskatu du automobil klubak.  

Idatzi horretan esaten denez, Donostiako Udalak zigor horiek baliogabetu ditu eta ordaindutakoa itzuli du; beraz, Bilboko Udala “Donostiakoaren urratsei jarraitzera” deitu du.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu; Osasun Batzordearen telefonoa, 900 20 30 50 zenbakia, eskuragarri duzu, zalantzarik izatekotan. Nafarroan bizi bazara, Osasun Batzordearen telefonora dei dezakezu: 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Albisteak (3)