Itxi

Koronabirusa

Tuterak bertan behera utzi ditu Azucarera, San Juan eta San Pedro jaiak

Agentziak | Erredakzioa

Leer en Castellano

Udalak azadu duenez, ezin ditu "higiene, segurtasun eta urruntze neurriak" bermatu, eta "jendetza ez dela pilatuko ziurtatu". Izan ere, "sarreran kontrola mugatzea" ezinezkoa zaiola esan du.

Tuterako jaiak. Argazkia: <a href='http://www.tudela.es' target='_blank' title='Ayuntamiento de Tudela'>Ayuntamiento de Tudela</a>

Tuterako Udalak bertan behera utzi ditu Azucarera, San Juan eta San Pedro jaiak, ekainerako aurreikusita zeudenak eta urtero herritar ugari biltzen dituztenak.

Konfinamendua arintzeko planaren amaiera jai horiek ospatzen diren egunetarako aurreikusita dagoen arren, Udalak azaldu duenez, ezin ditu "higiene, segurtasun eta urruntze neurriak" bermatu, ezta "jendetza ez dela pilatuko ziurtatu" ere. Ildo horretatik, "sarreran kontrola mugatzea" ezinezkoa zaiola esan du.

Alejandro Toquero Tuterako alkatearen esanetan, "osasun publikoko ardura da, eta jai hauek ospatzerik ez izateak min ematen digun arren, gaur egun bizi dugun larrialdi sanitarioaren aurrean interes orokorra gailendu behar da". Testuinguru horretan, "ardura handiz hartu beharreko erabaki zailak" direla nabarmendu du.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta/edo garraio publikoa erabiltzen baduzu. Dena dela, horien erabilera ez da derrigorrezkoa.