Koronabirusa
Hainbat euskal arrantzale Indiako Ozeanoan blokeatuta egon dira COVID-19agatik
Agentziak | Erredakzioa
Etxera bidean dira jada, koronabirusaren epidemiari eusteko neurrien ondorioz ohiko erreleboa ezin eginda egon ostean.
Euskal arrantzale batzuk, lanean. ETBko bideo batetik ateratako irudia.
COVID-19aren pandemiak Indiako Ozeanoan atunontzi hozkailuetan lanean harrapatu zituen, eta pandemiari eusteko neurriek erreleboa egitea galarazten zieten: igande honetan, ia 200 arrantzale, tartean euskal arrantzale batzuk, etxera itzuliko dira Nakazaritza, Kanpo-Harreman eta Garraioetarako Ministerioak eta armadoreek egindako lanen ostean.
Julio Moron Opagac Atunontzi hozkailu handien ekoizleen elkarteko zuzendariak azaldu duenez, Euskal Herritik, Galiziatik, Andaluziatik eta Asturiasetik ateratako 189 marinel Seychelletako hiriburura iritsi dira bertan dauden 180 marinelei erreleboa emateko. Horiek 22:00ak aldera iritsiko dira Madrilera.
Normalean, Indiako Ozea oen egoten diren arrantzaleek lau hilabetero egiten dute erreleboa, baina Seychelletako agintariek koronabirusaren ondorioz hartutako neurrien ondorioz, egonaldia luzatzera behartuta egon dira, kasu batzuetan, hilabete baino gehiago. Bitartean, arrantzan jarraitu dute.
Azken asteetan, armadoreek Seychelleko agintariekin, Arrantzako Idazkaritza Nagusiarekin, Espainiak Etiopian duen enbaxadarekin era Garraio Ministerioarekin lanean izan dira hegaldi bat antolatzeko baimenak lortzeko. Operazioa “neketsua” izan da eta gaur, igandea, amaituko da “arrakastaz”.
“Seychelletan hartu dituzten neurriak oso zorrotzak izan dira, arratsaldeko seietatik goizeko seietara ezin zen inor kalera atera. Gure lana bikoitza izan da: pandemiaren hasieran, arrantzarekin jarraitzea, eta deseskalatzea hasi denean, erreleboa posiblea izateko jarritako osasun baldintzak betetzea”, azaldu dute.