Gorka Urtaran
"Ez da masterrik behar jakiteko: bi metroko tartea utzi behar da"
Radio Euskadi | Erredakzioa
Gasteizko alkateak tabernetan kontrol zorrotzagoak egingo dituztela iragarri du, deseskalatzeko 1 fasearen lehen egunean neurriak bete ez zirela ikusi eta gero.
Gorka Urtaran, artxiboko irudi batean
“Horrela ezin dugu pandemiaren kontrolean aurrera egin”. Gorka Urtaran Gasteizko alkateak “oso larritzat” jo du 1 fasearen lehen egunean izandako “arau-hauste kopuru handia”, “bai elkarrekin bizi ez diren pertsonen arteko bi metroko tarteari dagokionez bai tabernen aforoari dagokionez”.
Urtaranek “Boulevard Informativo” Radio Euskadiko saioan iragarri du udaltzainek “kontrol zorrotzagoak” egingo dituztela ostalaritza establezimenduetan, eta “esku hartu eta isunak jarriko” dituztela. Alkatearen hitzetan, ulergarria da halako nahaste bat egotea, “baina funtsezko zerbait dago, pertsona bat zurekin bizi ez bada, bi metroko tartea utzi behar duzu berarekin, ez da inolako masterrik egin behar”.
Informazio hau Radio Euskadik landu, eta eitb.eus-ek itzuli du.