HILKETA
Emakume bat atxilotu dute Bilbon, bikotekidea hiltzea egotzita
AGENTZIAK | ERREDAKZIOA
35 urteko gizonezkoa da biktima, eta hainbat labankada jaso ondoren hil da. Ertzaintzaren arabera, emakumeak hilketa aitortu du.
Your browser doesn’t support HTML5 video
33 urteko emakume bat atxilotu dute Bilbon, bere bikotekidea, 35 urteko gizonezkoa, labankadaz hiltzea egotzita.
Segurtasun Sailak jakitera eman duenez, gaur goizaldean izan da erasoa, 03:45 aldera, Abando auzoko ostatu baten. Emakumeak labana batekin egin dio eraso gizonari, eta zauri larriak eragin dizkio.
Abisua jaso ondoren, Ertzaintza erasoaren tokira joan da, eta biktima lurrean aurkitu dute, konortea galduta. Anbulantzian eraman dute Gurutzetako Ospitalera, eta bertan hil da, handik gutxira.
Erasoaren izan lekuan zegoen emakumea, eta bikotekidearekin eztabaida izan ondoren hil egin duela aitortu dio Poliziari.