Itxi

Koronabirusa

Osakidetzak 239 PCR proba egin ditu Back&Stage diskotekan egon zirenen artean

AGENTZIAK | ERREDAKZIOA

Leer en Castellano

Osakidetza probak egiten ari die Bilboko diskoteka horretan egon ziren pertsona guztiei. Horretarako, karpa bat jarri dute Basurtuko ospitalearen ondoan.

Your browser doesn’t support HTML5 video

Osakidetza 239 PCR proba egin ditu, ostiral honetan, uztailaren 18an Bilboko Back&Stage diskotekan egon ziren pertsonen artean.

Basurtuko ospitalean gaur ezarri duten karpa batean egin ditu PCR proba guztiak Osakidetzak.

Zure interesekoa izan daiteke: Zergatik batzuetan ez da lokalaren izena ematen eta beste batzuetan bai?

Aurretik, baina, hitzordua eskatu beharko dute proba egin nahi dutenek, 94 600 66 66 telefono zenbakira deituta.

Osakidetzaren aginduari jarraituz, covid-19aren sintomaren bat dutenek (sukarra, arnasteko zailtasunak, usaimen arazoak, eztarriko mina) osasun zentrora deitu eta etxean geratu beharko dute, bakartuta.

Osasun Sailak lasaitasun mezua helarazi du, neurriak "badaezpadakoak" direla argi utzita.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak nahitaezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.

Albisteak (3)

Bideoak (1)