Itxi

KORONABIRUSA

18ra igo dira Bilboko Fever diskotekako COVID-19 kasuak

eitb.eus

Leer en Castellano

Atzo, fokuari lotutako 59 PCR proba egin ziren, 12 emaitza positiborekin.

Bilboko Fever diskoteka. Argazkia: EFE.

Atzo, Fever diskotekaren fokuari lotutako 59 PCR proba egin zituzten Basurtuko Ospitalean, 12 emaitza positiborekin.

Eusko Jaurlaritzako Osasun Sailak PCR probak egin dizkie uztailaren 24tik 26ra bitartean Bilboko Telleria kaleko 27. zenbakian dagoen diskotekara joan ziren bezeroei, astelehenean COVID-19aren sei kasu positibo atzeman ostean.

Oraingoz, negatibo eman dute Erandiogoikoako batzokiko fokuko proba guztiek

Zaintza-plana aplikatuz, Osasun Sailak herritarren laguntza eskatu zuen, egun horietan diskotekan egon zirenak zure osasun-zentroarekin harremanetan jar zitezen, Basurtuko Ospitaleko karpa batean proba egiteko hitzordua eskatzeko.

EAEn, 241 positibo atzeman dituzte azken 24 orduetan PCR proben bidez. Kasu berrietako 155 Bizkaian atzeman dituzte, 26 Gipuzkoan eta 58 Araban. Horrez gain, EAEtik kanpo bizi diren bi pertsonak positibo eman dute azken orduetan.

Halaber, bi pertsona hil dira COVID-19aren eraginez azken zazpi egunetan, eta 1.629 dira jada pandemia hasi zenetik hil direnak.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, berriz, "espazio publiko itxietan" derrigorrezkoa da.

Albisteak (3)