Belgikak Bizkaiara bidaiatzea debekatu du funtsezkoa ez den kasuetarako

Belgikak funtsezkoak ez diren bidaiak debekatu ditu Bizkaiara. Belgikako Kanpo Arazoetako Ministerioa adierazi duenez, hara lurralde historikotik iristen den edozein pertsonak 14 eguneko berrogeialdia egin beharko du, baita koronabirusaren test bat ere.

Gainera, Gipuzkoa gehitu dute zerrenda laranjan, hau da, handik bueltatzean bi astez isolatuta egotea gomendatzen dute, baina ez da derrigorrezkoa.

Bizkaia Nafarroarekin batu da zerrenda gorrian.

Osasun krisiak irauten duen bitartean atzerritik eta atzerrirako bidaiak antolatzeko, Belgikako Kanpo Arazoetarako Ministerioak, kolore bidezko sistema bat erabiltzen du.

Funtsezkoak ez diren bidaiak debekatzen dira gune gorrietan, eta gune haietatik datozen bidaiariek, Belgikara iristean, PCR probak egin behar dituzte eta baita 14 eguneko berrogeialdia ere.

Beharrezko neurri horiek hautazkoak bihurtzen dira gune laranjetan, bertan daude Gipuzkoa eta Araba.