Itxi

KORONABIRUSA

Hernaniko zahar egoitza bateko egoiliar bat hil da COVID-19arekin

AGENTZIAK | ERREDAKZIOA

Leer en Castellano

Gainera, jada 59 dira koronabirusa atzeman diete egoiliarrak, azken orduetan bi kasu berri baieztatu ondoren.

Zahar egoitza batean ateratako argazkia. EFE

Hernaniko (Gipuzkoa) Santa Maria Magdalena adinekoen zentroko egoiliar bat hil da COVID-19rekin azken orduetan. Lurralde osoan, berriz, 59 positibo atzeman dituzte jada zahar egoitzetan, azken 24 orduetan bi kasu berri baieztatu ostean.

Foru Aldundiak ohar baten bidez jakinarazi duenez, abuztuaren 11n atzeman zituzten "bigarren olatua" deituriko garai honetako lehen positiboak eta orduz geroztik, bost pertsona hil dira.

Bestalde, Gipuzkoako egoitzetan egindako PCR probetan (65 zentro eta 5.425 egoiliarrek osatzen dute sarea), bi kasu positibo berri topatu dituzte, biak Hernaniko zentro horretan. Gaur egun, 59 kasu positibo daude Gipuzkoako egoitza-zentroetako erabiltzaileen artean.

Positiboak Donostiako Garate-San Ignacio anaian (2), Hernaniko Santa Maria Magdalenan (34), Errenteriako Jesusen Bihotzean (16) eta Alai-Etxean (7) atzeman dira.

12 pertsona ospitaleratuta daude, eta beste 35 Eibarko Ospitaleko gizarte-instalazioan ari dira artatzen, COVID19 kasuen arretarako erreferentziazko zentroan.

Joan den abuztuaren 11n lehen positiboak atzeman zituztenetik, hiru adinekok gainditu dute gaixotasuna, eta bost hil egin dira Gipuzkoan.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.

Albisteak (3)