SEISMOA
3,1 graduko lurrikara izan da Lizoainen
AGENTZIAK | ERREDAKZIOA
Iruñerriko hainbat tokitan sentitu dute 12:44an gertatu den lur mugimendua.
Lizoainen izandako 3,1 graduko lurrikara. Argazkia: Espainiako Geografia Institutua
3,1 graduko lurrikara izan da ostiral honetan, 12:44an, Lizoainen (Nafarroa), Espainiako Geografia Institutuak jakitera eman duenez. Gainera, 11:04an, 1,7 graduko lurrikara txiki bat izan da leku berean.
Dirudienez, Iruñerriko hainbat tokitan sentitu dute lur mugimendua: Olatzen, Atarrabian, Uharten, Antsoainen, Burlatan, Noainen (Elortzibar), Iruñean, Sarrigurenen, Zizur Nagusian, Agoitzen, Elon eta Arangurenen.
Duela egun batzuk ere hainbat lurrikara izan ziren Lizoainen eta Eguesibarren, horietako bat 4,6 gradukoa.