Itxi

COVID-AREN AURKAKO NEURRIAK

Nafarroako Parlamentuak dio neurriek ez dituztela espero ziren emaitzak eman

AGENTZIAK | ERREDAKZIOA

Leer en Castellano

Gobernuak ez du baztertu herritarrak konfinatzea, nahiz eta neurri "desiragarria" ez izan. Koronabirus kasu positiboek gora egin dute berriro Nafarroan.

Nafarroako Parlamentua. Artxiboko irudia: EFE

Nafarroako Parlamentuaren gehiengoak adierazi du Nafarroako Gobernuak koronabirusak eragindako kutsatzeak geldiarazteko hartutako neurriek ez dituztela espero ziren emaitzak eman. Koronabirus kasu positiboak 500 baino gehiago izan ziren atzo Nafarroan.

Sozialistek "geldialdi" bat ikusi dute kutsatutakoen kopuruan azken murrizketei esker, baina Geroa Bairen ustez, murrizketa horiekin lortutako erantzuna "arina" baino ez da izan, eta gainerakoek egiaztatu dute ez dutela goranzko joera menderatzea lortu. Navarra Sumak porrotaz hitz egin du.

Nolanahi ere, Gobernuak PSNren, Geroa Bairen, Podemosen eta I-Eren babesa du osasun agintarien gidaritzapean hartzen dituen erabakietan, eta, beraz, ez dute baztertu herritarrak konfinatzea, nahiz eta neurri desiragarria ez izan.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Albisteak (2)

Bideoak (1)