Koronabirusa
COVID-19 agerraldia izan da Gorlizko Ospitalean eta gaixoen % 20 kutsatu dira
agentziak | erredakzioa
Gainera, langileen 10etik 1ek hartu du gaixotasuna. Ospitaleak 134 ohe ditu guztira, baina ez dute jakinarazi zenbat ari diren erabiltzen.
Gorlizko Ospitalea. Argazkia: Javier Mediavilla
Gorlizko Ospitalean (Bizkaia) bisitak galarazi dituzte gaixoen % 20 eta osasun langileen % 10 kutsatu dituen COVID-19 agerraldi bat atzeman ostean, Osakidetzak jakinera eman duenez.
Ospitale horrek arinak ez diren gaixoak jaso ohitu ditu, eta barne medikuntzarako 52 ohe eta errehabilitaziorako beste 82 ohe ditu. Hala ere, ez dute jakinarazi zenbat ohe erabiltzen ari ziren kutsatzea izan den unean. Beteta egonez gero, 26 izango dira kutsatuak.
Azaldu dutenez, baheketa egiten ari dira ospitaleratutako gaixo guztien eta langile guztien artean birusaren transmisioa etete aldera.
Baheketa horretan atzeman dituzte positiboak gaixoen eta profesionalen artean, eta badirudi kutsatzeen jatorria bisita batean dagoela.
Hartu dituzten neurrien artean, bisitak galarazi dituzte. Hala, baliabide telematikoak erraztu dituzte jarraipena senideekin egin ahal izateko.
Salbuespena hil zorian dauden pertsonena da, bisitak ahalbidetzeko baliabideak jarri baitituzte.
Prebentzio neurri gisa, ez dute ospitaleratzerik onartzen zentroan, kontsultak eta errehabilitazio zerbitzua ere kendu dituzte, eta ospitale osoa desinfektatu dute.