Gabonetako loteriaren 40.000 eurorainoko sariek ez dute zergarik ordainduko aurten

Gabonetako loteriaren zozketa bereziko sariak 40.000 eurokoak edo gutxiagokoak badira, ez dute loteria jakin batzuen sarien gaineko karga berezirik izango, 2018. urteko Estatuko Aurrekontu Orokorren Legeak ezarritako mugen ondorioz.

2018ko uztailaren 5ean indarrean jarri zen arauaren arabera, salbuetsitako zenbatekoa 10.000 eurokoa litzateke egun horretatik aurrera; 20.000 eurokoa, 2019ko zozketen sarietarako, eta 40.000 eurokoa, 2020ko urtarrilaren 1etik aurrerako sarietarako.

Covid-19ak eragindako krisiaren ondorioz, Loteria Administrazioen Probintzia Elkarteen Elkarte Nazionalak ohartarazi du Estatuak 1.200 milioi euro irabazteari utziko diola Gabonetako loteriaren zozketan. Elkartearen datuen arabera, salmenta kopuruak "etsigarriak" dira, uztaila eta urria bitartean Gabonetako loteriaren dezimoen salmentak % 30 egin baitu behera.

Jesus Huerta Loterias y Apuestas del Estado elkarteko presidentea kezkatuta agertu da eta salmentak "dezente" murriztu izana deitoratu du. Urte txarra iragarri duen arren, oraindik "kopuru bat emateko goizegi" dela esan du, "hemendik aurrera eta abenduaren 22ra arte benetako ordua dugulako".

Zozketa

Gabonetako loteriaren zozketa bereziak 2.408 milioi euro banatuko ditu saritan datorren igandean, abenduaren 22an, aurreko urtean baino 28 milioi euro gehiago.

Zozketaren jaulkipenak 100.000 zenbakidun 172 serie ditu, 3.440 milioi eurora iritsi da, eta horren % 70 banatuko da.

Sarien artean, Gabonetako sari "potoloa" nabarmentzen da, lehen saria duen dezimo bakoitzak 400.000 euro jasoko baititu. Bigarren saria 125.000 eurokoa izango da dezimo bakoitzeko, eta hirugarrena, berriz, 50.000 eurokoa.