KORONABIRUSA
427 covid-19 kasu berri atzeman dituzte EAEn, eta % 4,5ean dago positibo tasa
L.Z. | EITB Media
Lurraldeka, Bizkaia izan da positibo gehien zenbatu dituena: 181 orotara, aurreko egunean baino 21 gutxiago. Gipuzkoan 160 kasu berri atzeman dituzte (24 gutxiago), eta Araban 79 (4 gutxiago).
PCR proba. Argazkia: EFE.
Euskal Autonomia Erkidegoan 427 covid-19 kasu berri atzeman dituzte azken 24 orduetan, aurreko egunean baino 46 gutxiago. Positibo tasa, berriz, % 4,5ean kokatu da (asteartean % 4,9an zegoen).
Gainera, 41 pertsona ospitaleratu dituzte, asteartean baino hiru gehiago.
Osasun Sailak ostegun honetan emandako datuen arabera, asteazkenean 9.542 PCR eta antigeno proba egin zituzten EAEn.
Lurraldeka, Bizkaia izan da positibo gehien zenbatu dituena: 181 orotara, aurreko egunean baino 21 gutxiago. Gipuzkoan, berriz, 160 kasu berri atzeman dituzte (24 gutxiago), eta Araban 79 (4 gutxiago). Kutsatuetako zazpi EAEtik kanpo bizi dira (asteartean baino 3 gehiago).
Ospitaletako egoerari dagokionez, asteazkenean 41 pertsona ospitaleratu zituzten (asteartean baino 3 gehiago), eta ZIUn 85 gaixo daude (aurreko egunean baino bat gutxiago).
125 kasu berri, Nafarroan
Nafarroan, positibo berriak 125era igo dira (bezperan 70 izan ziren), azken asteetako kopururik altuena, Foru Gobernuak emandako behin-behineko datuen arabera. Positibo tasa ere igo egin da, % 6,4koa baita.