Itxi

Koronabirusaren semaforoa

Andoain, Elgoibar, Tolosa eta Villabona eremu laranjara itzuli dira

eitb media

Leer en Castellano

Bizkaian, eremu berdean zeuden bi udalerrietan (Balmaseda eta Gorliz) egoerak okerrera egin du, eta ezin izan diote maila baxuenari eutsi.

Argazkia: eitb.eus

Gaur-gaurkoz bost udalerri daude eremu gorrian Euskal Autonomia Erkidegoan, covid-19ak Euskadin herriz herri izandako eragina aztertzen duen Eusko Jaurlaritzako Osasun Sailaren semaforoaren arabera. Andoain, Elgoibar, Tolosa eta Villabona eremu laranjara itzuli dira.

Gipuzkoan, Aretxabaletak, Beasainek eta Lazkaok dituzte datu okerrenak.

Eremu laranjan daude Andoain, Arrasate, Azpeitia, Elgoibar, Errenteria, Legazpi, Oñati, Ordizia, Tolosa eta Villabona.

Azkoitia, Astigarraga, Bergara, Deba, Donostia, Eibar, Hernani, Hondarribia, Irun, Lasarte-Oria, Lezo, Mutriku, Oiartzun, Orio, Pasaia, Urnieta, Urretxu,eta B Zarautz eta Zumaia, berriz, gune horian kokatu dira. 

Eremu berdean daude, ostera, Urnieta eta Usurbil.

Bizkaian, Arrigorriagak eta Bermeok eremu gorrian jarraitzen dute.

Bigarren mailan daude Abanto-Zierbena, Lekeitio eta Ondarroa.

Abadiño, Balmaseda, Barakaldo, Basauri, Berango, Bilbo, Derio, Durango, Elorrio, Erandio, Ermua, Etxebarri, Galdakao, Gernika-Lumo, Getxo, Gorliz, Gueñes, Leioa, Mungia, Muskiz, Ortuella, Portugalete, Santurtzi, Sestao, Sopela, Trapagaran, Zalla eta Zornotza eremu horian daude. 

Udalerri bakar bat ere ez dago eremu berdean.

Arabako datuei dagokienez, Gasteiz da eremu laranjan dagoen bakarra, Agurainek handik ateratzea lortu baitu azken orduetan.

Amurriok eta Laudiok ere kolore horia dute.

Zure interesekoa izan daiteke: Honela funtzionatzen du covid-19aren semaforoak eta hauek dira irizpideak

Jaurlaritzak Europar Batasunak (EB) onartutako koloreen mapa egokitu du, eta azken 14 egunetan metatutako eragin-tasaren arabera sailkatu ditu EAEko udalerriak. Zehazki, semaforo horrek kolore berde, laranja, hori edo gorriarekin sailkatzen ditu 5.000 biztanletik gorako udalerriak, azken bi asteetan hautemandako koronabirus kasu berrien arabera. Zehazki, koloreak horrela erabiltzen dira:

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Albisteak (1)