Itxi

Koronabirusaren semaforoa

Zumaia sartu eta Lazkao atera da eremu gorritik

eitb media

Leer en Castellano

Gaur-gaurkoz Beasain, Bermeo, Lekeitio eta Zumaia dira eremu gorrian dauden Euskal Autonomia Erkidegoko udalerriak.

Argazkia: eitb.eus

Lau udalerri daude eremu gorrian Euskal Autonomia Erkidegoan, covid-19ak Euskadin herriz herri izandako eragina aztertzen duen Eusko Jaurlaritzako Osasun Sailaren semaforoaren arabera. Azken orduetan, Zumaia sartu eta Lazkao atera da eremu gorritik.

Gipuzkoan, Beasainek eta Zumaiak dituzte datu okerrenak.

Eremu laranjan daude Aretxabaleta, Andoain, Arrasate, Azpeitia, Deba, Elgoibar, Errenteria, Lazkao, Ordizia, Tolosa eta Villabona.

Azkoitia, Astigarraga, Bergara, Donostia, Eibar, Hernani, Hondarribia, Irun, Lasarte-Oria, Legazpi, Lezo, Mutriku, Oiartzun, Oñati, Orio, Pasaia, Urnieta, Urretxu, eta Zarautz, berriz, gune horian kokatu dira. 

Eremu berdean dago, ostera, Usurbil.

Bizkaian, Bermeok eta Lekeitiok eremu gorrian jarraitzen dute.

Bigarren mailan daude Arrigorriaga, Gernika-Lumo, Ondarroa eta Zornotza.

Abadiño, Abanto-Zierbena, Balmaseda, Barakaldo, Basauri, Berango, Bilbo, Derio, Durango, Elorrio, Erandio, Ermua, Etxebarri, Galdakao, Gernika-Lumo, Getxo, Gorliz, Gueñes, Leioa, Mungia, Muskiz, Ortuella, Portugalete, Santurtzi, Sestao, Sopela, Trapagaran eta Zalla eremu horian daude. 

Udalerri bakar bat ere ez dago eremu berdean.

Arabako datuei dagokienez, dagoeneko Gasteiz ez da eremu laranjan dagoen bakarra, Agurain batu baitzaio.

Amurriok eta Laudiok kolore horia dute.

Zure interesekoa izan daiteke: Honela funtzionatzen du covid-19aren semaforoak eta hauek dira irizpideak

Jaurlaritzak Europar Batasunak (EB) onartutako koloreen mapa egokitu du, eta azken 14 egunetan metatutako eragin-tasaren arabera sailkatu ditu EAEko udalerriak. Zehazki, semaforo horrek kolore berde, laranja, hori edo gorriarekin sailkatzen ditu 5.000 biztanletik gorako udalerriak, azken bi asteetan hautemandako koronabirus kasu berrien arabera. Zehazki, koloreak horrela erabiltzen dira:

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Albisteak (1)