BILBO
Bost ibilgailu erre dira Santutxun izandako sutean
EITB MEDIA
Goizaldean piztu da sua San Francisquito kaleko aparkaleku batean. Astebetean inguru berean gertatzen den bigarren sutea da eta Ertzaintzak ikerketa abiatu du.
Suak kaltetutako autoak, Santutxun. Argazkia: Urtzi Gartzia (Euskadi Irratia)
Lau ibilgailu erabat kiskali dira eta beste bat kaltetu da goizaldean Bilboko San Francisquito kalean piztutako sute batean.
Sua 02:45 aldera piztu da aparkaleku batean, oraindik argitzeke dauden arrazoiak tarteko. Suhiltzaileek sua itzali dute.
Segurtasun Saileko iturriek Euskadi Irratiari baieztatu diotenez, astebetean inguru berean gertatzen den bigarren sutea da.
Ertzaintzak ikerketa abiatu du sutearen nondik norakoak argitzeko. Hipotesi guztiak zabalik daude.