DESAGERTUTAKO PERTSONAK
Markina-Xemein inguruan falta den 82 urteko gizon baten bila ari dira
EITB MEDIA | AGENTZIAK
Familiak eman zuen bart desagerpenaren berri, arratsaldean etxetik irten eta iluntzean itzuli ez zela ikusita.
Your browser doesn’t support HTML5 video
Etxetik falta den 82 urteko gizonezko baten bila ari dira Markina-Xemein inguruan, Eusko Jaurlaritzako Segurtasun Sailak jakinarazi duenez. Atzo arratsaldean etxetik irten eta iluntzean itzuli ez zela ikusita, haren senideek desagerpena salatu zuten.
Ertzaintza, Bizkaiko Suhiltzaileak, Gurutze Gorria eta DYA ari dira bilaketa lanetan. Operazioa bart 22:30ean jarri zuten martxan, eta gaur goizean Ertzaintzaren helikopteroa batu zaie.
Bilaketa Markina-Xemein inguruan ari dira egiten.