Ezbeharra
30 urteko mendizale bat hil da Txindokin
EITB Media
Gaztea amilduta hil da. Ezbeharra 11:15ean jazo da, mendiaren ipar-ekialdeko magalean, Zazpiturri inguruan.
Ertzaintzaren helikopteroa erreskatean. Argazkia: SOS Deiak
Gizon bat (30 urtekoa eta Markinako bizilaguna) hil da astelehen honetan Txindoki mendian, amilduta, Eusko Jaurlaritzako Segurtasun Sailak jakinarazi duenez.
Ezbeharra 11:15ean jazo da, mendiaren ipar-ekialdeko magalean, Zazpiturri inguruan. Biktima beste mendizale batekin zihoan, eta horrek ohartarazi ditu larrialdi zerbitzuak.
Osasun-langileak, Ertzaintza eta suhiltzaileak bertaratu dira, baina ezin izan dute ezer egin haren bizia salbatzeko.
Erreskate taldeek lagundu behar izan dute beste mendizalea, mendiaren horma batean ez aurrera ez atzera baitzegoen.