Itxi

Koronabirusaren semaforoa

Galdakao, Gueñes, Ordizia eta Zornotza eremu laranjatik irten dira

EITB MEDIA

Leer en Castellano

Gainera, egoerak hobera egin du Elorrion, Lekeition eta Hernanin, eta kolore berdez ageri dira gaur hiru udalerri horiek.

Eusko Jaurlaritzako Osasun Sailaren semaforoa

OHARRA: Koloretako semaforoak Arabako, Bizkaiko eta Gipuzkoako 5.000 biztanletik gorako udalerrien egoera epidemiologikoa adierazten du, baina ez dakar herriak perimetralki ixtea, mugikortasuna librea baita alarma-egoera amaitu ondoren.

Eremu gorrian ez da aldaketarik izan azken orduetan, eta, Galdakao, Gueñes, Ordizia eta Zornotza eremu laranjatik irten dira, covid-19ak EAEn herriz herri izan duen eragina neurtzen duen Eusko Jaurlaritzako Osasun Sailaren semaforoaren arabera. Bestalde, Elorrio, Lekeitio eta Hernani udalerri berde bihurtu dira.

Arabak (135 kasu 100.000 biztanleko) eremu horian jarraitzen du, baita Agurainek, Amurriok, Laudiok eta Gasteizek ere. 

Bizkaian hori dago semaforoa (100.000 biztanleko 159 kasu), eta Ortuella eta Zalla gorriz margotuta daude gaur ere.

Ez dago udalerririk eremu laranjan, Bizkaian.

Hori dauden udalerriak hauek dira: Abadiño, Abanto-Zierbena, Arrigorriaga, Barakaldo, Basauri, Berango, Bermeo Bilbo, Derio, Durango, Erandio, Ermua, Etxebarri, Gernika-Lumo, Getxo, Gorliz, Leioa, Markina-Xemein, Mungia, Muskiz, Ondarroa, Portugalete, Santurtzi, Sestao, Sopela eta Trapaga. Galdakao, Gueñes eta Zornotza gehitu zaizkie zerrendara.

Balmaseda, Elorrio eta Lekeitio eremu berdean sartu da.

Gipuzkoa ere eremu horian dago (137 kasu 100.000 biztanleko). Azkoitia da eremu gorrian dagoen udalerri gipuzkoar bakarra.

Gune laranjan ez dago udalerririk.

Andoain, Arrasate, Azpeitia, Beasain, Bergara, Donostia, Errenteria, Hernani, Hondarribia, Irun, Lezo, Lasarte-Oria, Lazkao, Oiartzun, Oñati, Ordizia, Orio, Pasaia, Tolosa, Urnieta, Usurbil, Villabona, Zarautz eta Zumaia, berriz, hori daude. Ordizia ere gehitu zaie.

Aretxabaletak, Debak, Eibarrek, Elgoibarrek, Mutrikuk eta Zumarragak berde jarraitzen dute, eta gaurtik aurrera, baita Hernanik ere.

Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Zure interesekoa izan daiteke: Honela funtzionatzen du covid-19aren semaforoak eta hauek dira irizpideak

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Albisteak (1)