Itxi

Koronabirusaren semaforoa

Gueñes eremu gorritik atera da eta Zalla laranjara itzuli da

ANE SANTESTEBAN | EITB MEDIA

Ez dago herririk gorrian eta GUeñes eta Zalla dira EAEn laranjan dauden herri bakarrak.

Eusko Jaurlaritzako Osasun Sailaren semaforoa

OHARRA: Koloretako semaforoak Arabako, Bizkaiko eta Gipuzkoako 5.000 biztanletik gorako udalerrien egoera epidemiologikoa adierazten du, baina ez dakar herriak perimetralki ixtea, mugikortasuna librea baita alarma-egoera amaitu ondoren.

Gueñes eremu gorritik irten eta laranjara pasa da, beraz, momentu honetan ez dago EAEn gorriz dagoen herririk, covid-19ak EAEn herriz herri izan duen eragina neurtzen duen Eusko Jaurlaritzako Osasun Sailaren semaforoaren arabera. Udalerri bakarra, dago, beraz, eremu latzenean. Zallan atzo izandako bost kasuek horitik laranjara bultzatu dute berriro. Bi herri horiek dira laranjan dauden herri bakarrak. 

Arabak (111 kasu 100.000 biztanleko) eremu horian jarraitzen du, baita Amurriok, Laudiok eta Gasteizek ere. Gainera, Agurain eremu horitik atera da, berder pasatzeko. Araban ez dago herririk gorrian, ezta laranjan ere.

Bizkaian hori dago semaforoa (120 kasu 100.000 biztanleko).

Laranjan daude Gueñes, eremu gorritik jaitsita, eta Zalla horitik igota. Bi hauek dira EAE osoan laranjan dauden herri bakarrak. 

Hori dauden udalerriak hauek dira: Abadiño, Arrigorriaga, Barakaldo, Basauri, Berango, Bilbo, Derio, Durango, Erandio, Etxebarri, Galdakao, Gernika-Lumo, Getxo, Gorliz, Leioa, Markina-Xemein, Mungia, Muskiz, Ondarroa, Portugalete, Santurtzi, Sestao, Sopela eta Trapaga. Ortuella gehitu zaie zerrendara.

Balmasedak, Bermeok, Elorriok, Ermuak eta Lekeitiok eremu berdean jarraitzen dute, eta gaurtik aurrera baita Abanto-Zierbena ere.

Gipuzkoa ere, eremu horian dago (82 kasu 100.000 biztanleko), eta ez dago udalerririk eremu gorrian, ezta laranjan ere.

Horian daude, beraz, Aretxabaleta, Arrasate, Astigarraga, Azkoitia Azpeitia, Donostia, Hondarribia, Irun, Lezo, Lasarte-Oria, Lazkao, Mutriku, Oñati, Ordizia, Orio, Pasaia, Tolosa, Urnieta, Urretxu eta Zumaia. Villavona-Amasa horira itzuli da, datuek okerrera egin ostean.

Berde jarraitzen dute Andoainek, Beasainek, Bergarak, Debak, Eibarrek, Elgoibarrek, Errenteriak, Hernanik, Legazpik, Lezok, Oiartzunek, Zarautzek eta Zumarragak, eta gaurtik berde ageri da Usurbil ere.

Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Zure interesekoa izan daiteke: Honela funtzionatzen du covid-19aren semaforoak eta hauek dira irizpideak

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Albisteak (1)