Itxi

Koronabirusaren semaforoa

Laranja jarri da semaforoa Gipuzkoan, eta Laudio eremu gorritik atera da

Eriz Lotina | EITB MEDIA

Leer en Castellano

Bizkaian, Bermeo, Gernika-Lumo eta Durangoko egoerak okerrera egin du; izan ere, aurreneko bi udalerriak eremu berdetik horira pasa dira, eta azkena horitik laranjara. Era berean, Gipuzkoan, Urretxu eta Villabona horitik laranjara pasa dira.

Eusko Jaurlaritzako Osasun Sailaren semaforoa

OHARRA: Koloretako semaforoak Arabako, Bizkaiko eta Gipuzkoako 5.000 biztanletik gorako udalerrien egoera epidemiologikoa adierazten du, baina ez dakar herriak perimetralki ixtea, mugikortasuna librea baita alarma-egoera amaitu ondoren.

Laudio eremu gorritik atera da, covid-19ak EAEn herriz herri izan duen eragina neurtzen duen Eusko Jaurlaritzako Osasun Sailaren semaforoaren arabera. Bizkaian, Bermeo, Gernika-Lumo eta Durangoko egoerak okerrera egin du; izan ere, aurreneko bi udalerriak eremu berdetik horira pasa dira, eta azkena horitik laranjara. Era berean, Gipuzkoako lurralde historikoa eremu laranjara igaro da, eta Urretxu eta Villabona ere horitik laranjara pasa dira.

Arabak (173 kasu 100.000 biztanleko) eremu horian jarraitzen du, baita Amurriok, Gasteizek eta Agurainek ere, eta Laudio, berriz, gorritik atera da gaur. 

Bizkaian, hori dago semaforoa (210 kasu 100.000 biztanleko), eta Balmasedak gorri jarraitzen du.

Mungian laranjan jarraitzen du semaforoak, eta azken orduetan Durango kolore berdinera igaro da.

Hori dauden udalerriak honakoak dira: Abanto, Abadiño, Arrigorriaga, Barakaldo, Basauri, Berango, Bilbo, Derio, Elorrio, Erandio, Etxebarri, Galdakao, Getxo, Gorliz, Gueñes, Leioa, Lekeitio, Mungia, Muskiz, Ortuella, Portugalete, Santurtzi, Sestao, Sopela, Trapaga, Zalla eta Zornotza. Gernika-Lumo eta Bermeo azken orduetan sartu dira eremu berdinean.

Elorrio, Ermua, Markina-Xemein eta Ondarroa gune berdean daude.

Gipuzkoa eremu horitik laranjara igaro da, intzidentziak gora egin duelako (314 kasu 100.000 biztanleko). Astigarrak, Hernanik, Urnietak, Zumaiak eta Tolosak eremu gorrian jarraitzen dute.

Laranjan, berriz, Lazkao, Donostia, Irun, Mutriku, Villabona eta Urretxu daude, azken biak gaur pasa dira eremu horretara.

Horian gero eta udalerri gehiago daude: Arrasate, Andoain, Aretxabaleta, Azkoitia, Azpeitia, Beasain, Bergara, Deba, Donostia, Hondarribia, Eibar, Elgoibar, Errenteria, Lasarte-Oria, Lezo, Oiartzun, Ordizia, Orio, Pasaia, Usurbil, Zarautz eta Zumarraga.

Ez dago herririk Gipuzkoan eremu berdean.

Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Zure interesekoa izan daiteke: Honela funtzionatzen du covid-19aren semaforoak eta hauek dira irizpideak

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Albisteak (1)