Espetxe zigorra
Espetxera bidali dituzte Samuel Luizen hilketagatik atxilotutako hiru gazte
EITB MEDIA
Polizia Nazionalak bi adingabe gehiago atxilotu ditu gaur, horietako bat aurrekariekin, ustez gaztearen hilketan parte hartzeagatik.
Samuel Luizen hilketagatik atxilotutako gazteetako bat. Argazkia: EFE.
A Coruñako Instrukzioko 1 zenbakiko Epaitegiko titularrak behin-behineko eta fidantzarik gabeko espetxe zigorra ezarri die Samuelen ustezko hilketagatik atxilotutako lau lagunetatik hiruri. Bestalde, Fiskaltzak ez du espetxe zigorrik eskatu gaur epailearen esku utzi duten gaztearentzat.
Galiziako Justizia Auzitegi Nagusiko iturriek jakitera eman dutenez, lau atxilotuak homizidio edo hilketa delitu baten ustezko egile gisa ikertzen ari dira.
Halaber, Polizia Nazionalak beste bi adingabe gehiago atxilotu ditu gaur, horietako bat aurrekariekin, ustez Samuelen hilketan parte hartzeagatik.