Itxi

Koronabirusaren semaforoa

Lazkao eremu gorritik atera da, baina gorri daude 62 udalerri

Olatz Prat | EITB MEDIA

Leer en Castellano

Semaforoa gorriz dago EAEko 5.000 biztanletik gorako 72 udalerrietatik 62tan. Gaurtik bertan daude Agurain, Laudio, Gernika-Lumo, Markina-Xemein eta Elgoibar. Lazkao, berriz, atera egin da.

Grafikoa: EITB Media.

OHARRA: Koloretako semaforoak Arabako, Bizkaiko eta Gipuzkoako 5.000 biztanletik gorako udalerrien egoera epidemiologikoa adierazten du, baina ez dakar herriak perimetralki ixtea, mugikortasuna librea baita alarma-egoera amaitu ondoren.

Bost udalerrik bat egin dute gune gorrian dauden herrien zerrenda luzearekin, eta dagoeneko 62 dira. Hamar herrik baino ez dute irauten eremu laranjan eta horian. Lazkaok datuak hobetu ditu eta laranja jarri da; baita Derio ere, baina horitik igo delako, covid-19ak EAEn herriz herri izan duen eragina neurtzeko duen Eusko Jaurlaritzako Osasun Sailaren semaforoaren arabera.

Arabak (490 kasu 100.000 biztanleko) eremu gorrian mantentzen da, Gasteiz eta Amurrio bezelaxe. Gaur, gainera, gorri jarri da Agurain eta bertara itzuli da Laudio ere, egun bakar batez laranjan egon ostean.

Horrenbestez, ez dago udalerri handirik eremu laranjan, horian edo berdean Araban.

Bizkaia ere (580 kasu 100.000 biztanleko) atzo sartu zen eremu gorrian eta bertan jarraitzen du, Bilbok bezala. Gaur bi herri batu dira gorriz margotutako herrien zerrendara: Gernika-Lumo eta Markina-Xemein. Beraz semaforoa gorri dago Abadiño, Abanto Zierbena, Amorebieta-Etxano, Arrigorriaga, Balmaseda, Barakaldo, Basauri, Berango, Bermeo, Bilbao, Durango, Elorrio, Erandio, Galdakao, Gernika-Lumo, Getxo, Gorliz, Güeñes, Leioa, Lekeitio, Markina-Xemein, Mungia, Muskiz, Ondarroa, Ortuella, Portugalete, Santurtzi, Sestao, Sopela, Trapagaran eta Zallan.  

Horitik laranjara pasa da Derio.

Horiz mantentzen den bakarra Ermua da eta ez dago udalerririk eremu berdean.

Gipuzkoa (705 kasu 100.000 biztanleko) eremu gorrian dago, eta gaurtik baita Elgoibar ere. 

Eremu latzenean jarraitzen dute Andoain, Arrasate, Astigarraga, Azkoitia, Beasain, Deba, Donostia, Eibar, Hernani, Hondarribia, Irun, Lasarte-Oria, Lezo, Mutriku, Oiartzun, Oñati, Ordizia, Orio, Pasaia, Tolosa, Urnieta, Urretxu, Villabona, Zarautz, Zumaia eta Zumarragak. 

Lazkao eremu gorritik atera da eta laranja jarri da. Laranja daude, halaber, Arexabaleta, Azpeitia, Bergara, eta Errenteriak.

Horiari eusten diote, berriz, Legazpi eta Usurbil.

Horrenbestez, ez dago udalerririk eremu berdean.

Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Zure interesekoa izan daiteke: Honela funtzionatzen du covid-19aren semaforoak eta hauek dira irizpideak

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Albisteak (1)