Krisi klimatikoa
Bruselak klima aldaketa geldiaraztea posible dela uste du, baina "erabakitasuna" eta batasuna eskatu ditu
Agentziak | EITB Media
Europako Batzordeak Klima Aldaketari buruzko Gobernuarteko Adituen Taldearen txostenari erreferentzia eginez "krisi klimatikoari aurre egiteko premia" erakusten duela adierazi du.
Kanadan izandako sute bat. Artxiboko argazkia: EFE.
Europako Batzordeak astelehen honetan adierazi duenez, ez da "beranduegi" joera hausteko eta krisi klimatikoa geldiarazteko. Nolanahi ere, klima aldaketaren aurkako borrokan erabakiak hartzea eta bat eginda jokatzea ezinbestekoa izango dela azpimarratu du.
Frans Timmermans Europako Itun Berdearen Europako presidenteordeak Twitteren zabaldu duenez, Klima Aldaketari buruzko Gobernuarteko Adituen Taldeak (IPCC) egindako txostenak "krisi klimatikoari aurre egiteko premia" erakusten du.
The #IPCC #ClimateReport shows the immense urgency of acting now to tackle the climate crisis. It’s not too late to stem the tide and prevent runaway climate change, but only if we act decisively now and all act together.
— Frans Timmermans (@TimmermansEU) August 9, 2021
"Ez da beranduegi joera hausteko eta klima aldaketa saihesteko, baina erabakitasunez eta batasunez jokatzen badugu lortuko dugu", idatzi du herbeheretarrak, eta krisia "mundu mailakoa" dela gogorarazi du.
Ildo berean, Europar Batasuneko politika ekologikoaren arduradun nagusiak azpimarratu duenez, berotze globala 1,5 gradu zentigradutik behera mantentzeak "mundu mailako emisioak zerora murriztea eskatzen du" eta baita "hori lortzeko politikak azkar hedatzea".
Charles Michel Europako Kontseiluko presidentearen hitzetan, txostenaren ohartarazi duenez, "ez dago denborarik berotze globala geldiarazteko eta planetaren bizitzan zorigaiztoko aldaketak saihesteko". "Baina lor dezakegu. EBk klima neutraltasunerako bidea erraztu zuen 2050erako. Erronka bat da, baina baita mundu hobea, zuzenagoa eta oparoagoa lortzeko aukera paregabea ere", gaineratu du Belgikako lehen ministro ohiak.
No time left to limit global warming and avoid disastrous changes to life on our planet, says #ClimateReport by @IPCC_CH. But we can do it.
— Charles Michel (@eucopresident) August 9, 2021
EU paved the way for #2050climate neutrality. It’s a challenge but also a huge opportunity for a better, fairer and more prosperous world.
Riberak eraldaketa ekonomikoa "bizkortzea" proposatu du
Teresa Ribera Trantsizio Ekologikorako eta Erronka Demografikorako ministroak eredu ekonomikoaren eraldaketa "bizkortzea" proposatu du, klima aldaketari aurre egiteko.
Riberaren ustez, klima aldaketaren aurka borrokatzeko eredu ekonomikoaren eraldaketa "atzeraezina da". "Ezin ditugu neurri zuzentzaileak atzeratu, ez 2050erako, ezta 2030erako ere", azpimarratu du.
Bestalde, Ione belarra Gizarte Eskubideen eta 2030 Agenda ministroak berretsi du "ezinbestekoa" dela trantsizio ekologiko justu bat egitea. "Gehien kutsatu dutenek eta kutsatzen jarraitzen dutenek modu aktiboan erantzun behar dute", gaineratu du.