Noos Auzia
Urdangarinek 'barkamena eskatuko du' gauzak oker egin baditu
Erredakzioa
Iñaki Urdangarinen abokatuak, beste behin, bere bezeroaren errugabetasuna azpimarratu du eta denboran atzera egiteko aukera izango bagenu "guztiok gauzak hobe egiten" saiatuko ginatekeela esan du.
Iñaki Urdangarin, Noos Auzian inputatua.
Mario Pascual Vives Urdangarinen abokatuak eta bozeramaileak Palmako dukearen errugabetasuna defendatu du, beste behin, baina beharrezkoa bada "barkamena eskatuko" duela azaldu du. Noos Institutua gidatzen zuen garaian dirua desbideratzea leporatzen diote Iñaki Urdangarini,
"Ondo ez dauden gauzak egin baditu, onartuko ditu eta beharrezko barkamena eskatuko du", esan du Pascualek. Iñaki Urdangarinek datorren otsailaren 25ean deklaratuko du Palmako Auzitegian.
"Nik uste dut, guztiok, denboran atzera egiteko aukera bagenu, gauzak hobeto egiten saiatuko ginatekeela", adierazi du abokatuak, baina Urdangarinek "bere ohorea eta errugabetasuna defendatzen jarraitu nahiko du, zuzen jardun duen uste sendoaren baitan".