erupzioa
Erupzio-aho berri bat sortu da La Palman
eitb media
Emisio-gune berria ostiral goizaldean sortutako biei batuta, bosgarren foku aktiboa da.
Laba-ibaia La Palman. Artxiboko argazkia: EFE
Involcan Kanariar Institutu Bolkanologikoak adierazi duenez, emisio-gune berri bat ireki da La Palmako sumendian. Ostiral goizaldean sortutako biekin, bosgarren foku aktibo bilakatu da horrela.
Zientzialariek erupzio-aho berriaren monitorizazio eta zaintza lanak abiatu dituzte, eta atzo sortutako emisio-guneen zaintza lanek aurrera darraite.
Bestalde, Kanarietako Gobernuak La Palmako auzo gehiago ixtea erabaki du, airearen kalitatea okertu dela eta. Hala, 3500 pertsona gehiago konfinatu dituzte. Orain, haizea laba-ibaien sufre-isurketak auzoetara zuzenean bideratzen ari da, eta jarioa ohiko bidetik aldentzen ari da, etxebizitza gehiago suntsitu ditzakeelarik. Unera arte, 1000 etxebizitzatik gora daude kaltetuta.
Vídeo de dron a las 1030 tras la apertura de un nuevo foco de emisión en la fractura / Drone video at 1030 after new vent opened in the fracture zone @ES_UCL @UOBFlightLab @unipa_it pic.twitter.com/q65T157fUg
— INVOLCAN (@involcan) October 2, 2021
Fernando Grillo Kanaria Handiko Kabildoaren Larrialdietarako zuzendariak adierazi duenez, La Palmako erupzioa dela eta, "sekula ez ikusitako larrialdi" baten aurrean ari da jarduten Kanarietako Babes Zibila. Portaera "aldakorreko" sumendia dela azaldu du, egunero "fitxa mugitzen dabilena" eta behin baliatutako estrategiak hurrengorako baliogabetzen dituena. "Atzokoa aldatu egiten da eta indarra berrantolatu behar izaten dugu, operazio plan berriak sortzeko", adierazi du.