Migrazioa
Migratzaile bat zauritu du trenak Lapurdin
Manu Gimenez | eitb media
25 urteko sahararra ez dago larri, baina Baionako ospitalean artatu behar izan dute.
Migratzaileak, Irunen. Argazkia: Efe
Trenak migratzaile bat zauritu du Ipar Euskal Herrian, Donibane Lohizunen (Lapurdi) hain zuzen ere, baina ez da gertakari larri bat izan eta 25 urteko sahararra onik dago.
Sud Ouest egunkariak jakitera eman duenez, Baionako ospitalean artatu behar izan dute gazte migratzailea, eta dagoeneko onik dago, senda-agiria jasota.
Dirudienez, trenak eragindako haize boladak bota du lurrera migratzailea gaur goizaldean.
Duela hilabete bat trenak Europa iparraldera bidean zihoazen lau migratzaile harrapatu eta horietako hiru hil zituen Ziburun (Lapurdi).