Itxi

Koronabirusa

Kutsatuen kopuruak marka berria ezarri du Nafarroan, egun batean 2.000 kasutik gora antzemanda

AGENTZIAK | EITB MEDIA

Leer en Castellano

Iruñeko Bigarren Zabalgunean (82), Lizarran (73), Barañain (64), Sarriguren (54) eta Mutiloan (51) antzeman dira positibo gehien.

Pertsona batzuk terraza batean. Argazkia: Efe.

Nafarroan 2.003 positibo baino gehiago antzeman dituzte ostiral honetan, orain arteko kopururik handiena, Foru Gobernuak emandako behin-behineko datuen arabera.

Kasu gehien Bigarren Zabalgunean (82), Lizarran (73), Barañain (64), Sarriguren (54) eta Mutiloan (51) zenbatu dituzte.

Horrela, Nafarroan antzemandako kasuak bikoiztu egin dira iragan astelehenetik; egun horretan 921 positibo izan ziren.

Ostegunean, berriz, 144 pertsona zeuden ospitaleratuta, horitatik 26 zaintza berezietan.

Estatuko Aldizkari Ofizialak publikatu du jada ostegunean Espainiako Ministroen Kontseiluak onartutako errege dekretua. Horren arabera, derrigorrezkoa da kalean beti musukoa erabiltzea, distantzia edozein dela ere.  

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Albisteak (3)