GI-627 errepidea bost orduz itxita egon da Eibar eta Soraluze artean, luizi baten ondorioz

EITB MEDIA

Publikatuta: 2022/01/13 08:04 (UTC+1) Azken eguneratzea: 2022/06/09 11:59 (UTC+2)

06:15ean gertatu da lur-jausia, eta 11:50 arte zarratuta izan da Gipuzkoako bi udalerri horiek lotzen dituen errepidea.

Goizean, 06:15ean, GI-627 errepidean izan den lur-jausi batek trafiko arazoak eragin ditu errepide horretan, Trafiko Zuzendaritzak eitb.eus-i jakitera eman dionez.

Luiziaren ondorioz, errepidea bost ordutik gora itxi behar izan dute, eta AP-1etik desbideratu dute trafikoa. Zirkulazioa 11:50 inguruan bueltatu da bere onera, errepideko beharginek bidea garbitzen amaitu dutenean.