Txirrindulari bat hil da baso bide batean, Zizurkilen

agentziak | eitb media

Publikatuta: 2022/01/15 16:57 (UTC+1) Azken eguneratzea: 2022/01/15 20:39 (UTC+1)

57 urteko gizonezkoa Andatza eta Bekokain inguruan aurkitu dute, lurrean erorita.

Zizurkil, gaur. Argazkia: SOS Deiak.

57 urteko txirrindulari bat hil da gaur baso bide batean, Zizurkilen (Gipuzkoa), Andatza eta Bekokain artean, Eusko Jaurlaritzaren Segurtasun Sailak jakitera eman duenez.

SOS Deiakek dei bat jaso du 13:00 aldera inguru horretan txirrindulari bat lurrean erorita zegoela ohartaraziz.

Larrialdi zerbituek txirrindularia aurkitu dute, eta suspertzeko teknikak erabili arren, ez dute bere bizitza salbatzea lortu.