Itxi

ERASOA

Mutil bat ikertzen ari dira Burlatan, bikote ohia jotzen ikusi eta tartean sartu zen irakaslea zauritzeagatik

AGENTZIAK | EITB MEDIA

Leer en Castellano

Burlatako IES Ibaialdeko zuzendaria da zauritua. Foruzaingoak adierazi du adin txikiko erasotzailea atxilotzeko asmoa dutela.

Burlatako Ibaialde zentroa. Webgunetik ateratako argazkia.

Nafarroako Foruzaingoak ikerketa ireki du Burlatako IES Ibaialde ikastetxeko zuzendariak salatu duen adin txikiko baten kontra, hark emakumeari eraso egin eta gero. Antza denez, zentro bereko ikaslea den bikotekide ohia jotzen ikusi eta tartean sartu zen irakaslea eta hari ere eraso egin zion mutilak.

Foruzaingoak baieztatu du adin txikikoa identifikatuta dagoela eta atxilotzea aurreikusten dutela.

Ikastetxeko zuzendaria zauritzeagatik lesio delitua egotziko diote, printzipioz. Ospitalera eraman behar izan zuten emakumea eta ebakuntza bat egin beharko diote.

Gainera, bikotekide ohiaren kontrako tratu txarren delitua ere egotzi diezaiokete, neskak erasoa salatu ez badu ere, irakasleak eraso hori saihesteko eskuhartu baitzuen.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.