Trafikoa
A-8 autobidean bypass bat ireki dute, larunbateko lur-jausiaren ondoren zirkulazioa errazteko
Agentziak | EITB MEDIA
Langileek lanean jarraituko dute autobiara eroritako lur-hondakinak garbitzeko, eta arduradunek aurreikusten dute ezpondako lanek aste batzuk iraungo dutela.
Luiziaren irudia. EITB Mediako bideo batetik ateratako argazkia.
Gaur eguerdian, A-8 autobidean, bypass bat ezarri dute ibilgailuen zirkulazioa errazteko. Izan ere, larunbat goizaldean Bizkaia eta Kantabria arteko zatian izandako luizi baten ondorioz, Santanderrerako bidean bi erreiak erabat itxi behar izan zituzten.
Luizia 139,225 kilometroan gertatu zen, Onton parean (Castro Urdiales), eta N-634 errepidetik desbideratzeak ezarri zituzten. Desbideratze horiek A-8ko 138 kilometroan hasi ziren, Muskizen (Bizkaia). Autoak N-634 errepidera gehitu behar ziren, eta 139,900 kilometroan autobidera itzuli.
¿¿¿ #Bypass-a #A8 Km 139 #Muskiz-en. Beraz, tarte horretan errei bakarra egongo da norantza bakoitzean.
— Trafiko (@trafikoaEJGV) April 24, 2022
¿¿¿ #Bypass #A8 Pk 139 #Muskiz. Por este motivo la circulación en este tramo será de un solo carril por cada sentido.
¿¿ 011#lur_jausia #A8 #trafikoa pic.twitter.com/tQFXYvp9SI
Errepideetako mantentze-zerbitzuak lanean ari dira harriak kentzeko, baina gaur eguerdian bypass bat ireki dute 139 kilometroan, Bilborako noranzkoan, ibilgailuak errazago igaro daitezen; beraz, tarte horretan errei bakarra egongo da noranzko bakoitzeko. Era berean, kendu egin dituzte N-634 errepidetik egin beharreko desbideratzeak, Eusko Jaurlaritzako Segurtasun Sailak jakinarazi duenez.