SAN FERMIN jaiak
Takonera parkean sormena ardatz izango duen haurrentzako gunea egongo da sanferminetan
AGENTZIAK | EITB MEDIA
Eremua uztailaren 7tik 14ra egongo da zabalik 11:30etik 14:00etara eta 17:30etik 20:30era. Uztailaren 6an arratsaldeko ordutegian zabalduko da.
Takonera parkea aurreko edizioetan. Argazkia: Iruñeko Udala.
Iruñeko Takonera parkean "JuegoRejuego" haurrentzako programazioa eskainiko dute San Fermin jaietan. Programa horrek materialen berrerabilera eta birziklapena uztartuko ditu sormena eta imajinazioarekin.
Tokia 11 gunetan bananduko da, eta Larrainatik gertu kokatuko da. Uztailaren 7tik 14ra egongo da zabalik, 11:30etik 14:00era eta 17:30etik 20:30era. Uztailaren 6an, aldiz, arratsaldeko ordutegian baino ez dute gunea zabalduko.
"JuegoRejuego"ren helburua da materialen berrerabilera azpimarratzea, ekonomia berde eta inklusibo bat lortzeko trantsizioa bizkortzeko. Etxeko txikienek sormenez erabiliko dituzte plastikozko hodiak, botilak eta pneumatikoak, eta horiekin jokatuko dute.
Era berean, gunean egongo dira, besteak beste labirinto bat, okindegi bat, ontziraleku bat, gaztelu bat airean eta berreraikuntzak.
Iruñeko Gobernu Batzarrak PAI (Promotora de Acción Infantil) enpresa kontratatu du programa berri hau garatzeko, 60.000 euroko aurrekontuarekin. Iruñerriko Mankomunitateak eta Nafarroako Gobernuko Landa Garapeneko eta Ingurumeneko Departamentuak lankidetzan lan egin dute.