Igande honetan
Estropatadak trafiko-eragozpenak eragingo ditu Bilboko Euskalduna Zubian
AGENTZIAK | ERREDAKZIOA
20.000 "bioahate" inguru botako dituzte Euskalduna Zubitik Bilboko itsasadarrera. Gaixo neurodegeneratiboetarako terapien ikerkuntzarako bideratuko da bildutako dirua. Emanaldia streaming bidez zuzenean eskainiko du eitb.eus-ek 12:15etik aurrera.
2021eko Estropatadaren artxiboko irudia. Argazkia: EFE
Bilboko Udalak jakitera eman duenez, 2022ko Estropatadaren harira, trafiko-eragozpenak izango dira Bilboko Euskalduna Zubian. Hala, igotzeko bi erreiak itxita egongo dira 12:00etatik 13:30ak arte. Hori dela eta, jaisteko errei bat prestatuko dute bi noranzkoetarako trafikoa bideratzeko.
Gainera, 13:30 eta 14:30ak artean Botikazarreko espaloia okupatuko dute, suhiltzaileen ondoan, eta oinezkoentzako eta bizikletentzako bide alternatiboa izango da bidegorritik.
WOP Estropatada lasterketaren 10. edizioa izango da igande honetan Itsasmuseumeko zelaigunean. The Walk On Project (WOP) fundazioak antolatuta, 20.000 "bioahate" inguru jaurtiko dituzte Euskalduna Zubitik Bilboko itsasadarrera.
Gaixo neurodegeneratiboetarako terapien ikerkuntzarako bideratuko da bildutako dirua.
Emanaldia streaming bidez zuzenean eskainiko du eitb.eus-ek 12:15etik aurrera.