BERO-BOLADA
Zer ez egin sute-arrisku larrialdi egoeran?
EITB MEDIA
Murrizketak eta debekuak betetzen ez badira, 1.501 eurotik 30.001 eurora arteko isunak ezarriko dira.
Barbakoa bat itxita, suteak saihesteko asmoz. Argazkia: EITB Media
Tenperatura altuek gurean jarraituko dute datozen egunetan, eta, horren ondorioz, sute-arriskuagatik larrialdia ezarri dute EAEn.
Zer ez egin sute-arrisku larrialdi egoeran?
- Ez da sua erabili behar, eta ez da sua sorraraz dezakeen jarduerarik egin behar, esaterako, deflagrazioak, txinpartak edo deskarga elektrikoak eragin ditzaketen makinak ez dira merkataritza- eta baso-eremuan erabili behar.
- Ez da su artifizialik, petardorik edo beste gai piroteknikorik erabili behar.
- Ezin da barbakoarik egin hiri-lurzoruan, zuhaitzak, zuhaixkak, sastrakak edo edozein labore mota dauzkaten lurzoruetatik 300 metrora baino gutxiagora.
- Debekatuta dago errekuntzako motordun ibilgailuak erabiltzea baso-pistetan, lursailetan eta errepide asfaltatuetatik kanpoko iraganbideetan, salbu eta lantokira edo ohiko bizilekura joateko bada edo ezinbesteko egoeretan bada. Debekatuta dago ibilgailu horiekin landare-eremuak zeharkatzea edo eremu horietan gelditzea edo aparkatzea.
Alerta laranjan murrizketak eta debekuak landa-lurzoruan edo lurzoru urbanizaezinean aplikatuko dira egunez egun zehazten diren ordu-tarteen arabera. Alarma gorriko egoeran, aurretik aipatutako murriztapen guztiak 24 orduz ezarriko dira.
Murrizketak eta debekuak ez betetzea arau-hauste "larritzat" edo "oso larritzat" jo daiteke, eta ezarri ahal izango diren zigorren artean, 1.501 eurotik 30.001 eurora arteko isunak daude, Larrialdiak Kudeatzeko Legearen (apirilaren 27ko 1/2017 LD) 69., 70. eta 73. artikuluetan ezarritakoari jarraituz.