GARRAIO PUBLIKOA
Berrezarri da metro zerbitzua Getxo eta Plentzia artean, matxura baten ondorioz izandako etenaren ondoren
EITB MEDIA
Goizaldean, Larrabasterrako (Sopela) geltokian izan da matxura. Arazoak zerbitzurik gabe utzi ditu Berango, Sopela, Urduliz eta Plentzia.
Zerbitzua Ibarbengoan amaitzen da. EITB Mediaren artxiboko argazkia.
Metro Bilbaoren zerbitzua berrezarri da Getxo eta Plentzia artean, Larrabasterran (Sopela) goiz osoan zehar izandako etenaren ondoren.
Antza, txinparta batek sute txiki bat eragin du Larrabasterrako geltokiaren inguruan igandean 05:15 aldera, eta konboien zirkulazioa eten behar izan da bi norabideetan.
¿¿ ¿ Ibarbengoa eta Plentzia geltokien artean zerbitzua eten egin da. Barkatu eragozpenak.
— metro bilbao (@metrobilbaoeus) July 24, 2022
¿¿ ¿ El servicio entre las estaciones de Ibarbengoa y Plentzia está interrumpido. Disculpen las molestias.
Honako hauek dira zerbitzurik gabe geratu diren herriak: Berango, Sopela, Urduliz eta Plentzia. Metroak bere bidea egin du Bilbotik Ibarbengoaraino, Getxoko azken geltokiraino, hain zuzen ere.