ALDIRIETAKO TREN ZERBITZUA
Atzerapenak Urduña-Bilbo zerbitzuan, tren batean piztu den eta ondoriorik izan ez duen sute baten ondorioz
EITB MEDIA
07:20an, Arrigorriaga parean, azken bagoiaren azpian piztu den sua berehala itzali dute.
Atzerapenak izaten ari dira goizean goizetik Urduña-Bilbo tren zerbitzuan, bagoi batean piztu den eta ondoriorik izan ez duen sute baten ondorioz.
Sua Arrigorriaga parean piztu da, 07:20an, azken bagoiaren azpian, eta berehala itzali dute.
Makinistak berak itzali ditu garrak, eta ez da aparteko arazorik izan.
Renfeko iturriek azaldu dutenez, trenean ez da kalte nabarmenik izan, eta bidetik kendu dute ezbeharra eragin duten arrazoiak aztertzeko.
Bidaiariak trenetik jaitsarazi dituzte, eta hurrengo trena hartu dute.
¿ @BomberosBizkaia apagan un pequeño incendio en un vagón de un tren de @Renfe a la altura de Arrigorriaga
— Boulevard Radio Euskadi (@Boulevardeitb) February 13, 2023
¿ En la línea Orduña - Bilbao pic.twitter.com/a2RHmQkkX6