IZENBURU NAGUSIAK
Albiste izango dira: Elizaren sexu-abusuak, euskara batua goratzeko giza-katea eta BJKN
EITB MEDIA
Gaurkoan albiste izango direnen laburpena, hitz bitan.
Joseba Segura Bilboko gotzaina. Argazkia: EITB Media.
Honako gai hauek hartuko dituzte gaur, martxoak 24, hedabideetako lerroburu nagusiak:
- Elizaren sexu-abusuak: Bilboko gotzainak barkamena eskatuko die gaur Elizak egindako sexu-abusuen biktimei. Joseba Segurak otoitz egingo du Santiago Katedralean 18:00etan, biktimei barkamena eskatzeko. Era horretako lehen ekitaldia izango da Espainiako Estatuan.
- Euskara batua goratzeko giza-katea : Giza kate batek Errenteria eta Donostia lotuko ditu gaur euskara batuari gorazarre egiteko. Ekitaldia Orereta ikastolak sustatu du, eta ikastolen jai guztiek osatzen duten 'Ikastolak Herriari' egitasmoak eta Euskaltzaindiak elkarlanean antolatu dute
- Botere Judizialaren Kontseilu Nagusia: Blokean dimititu edo ez aztertzeko bilduko da gaur BJKNren sektore aurrerakoia. 8 bokal progresisten irteerak BJKN geldiaraz lezake, 'quorum' faltagatik, PSOE eta PP ituna egitera bultzatuz kontseilua berritzeko.