Lan baimena
Suizidatzeko arriskuan dauden pertsonei laguntzeko baimenak ezarriko ditu Espainiako Gobernuak
AGENTZIAK | EITB MEDIA
Legez besteko proposamena aurkeztu zuen Mas Pais alderdiak horren harira. Gehienez hamabost eguneko lan baimenak proposatzen zituen, betiere, laguntza jasotzen duenaren soldata txikitu gabe.
Suizidatzeko arriskuan dauden pertsonei laguntzeko baimenak ezarriko ditu Espainiako Gobernuak. EFE
Espainiako Gobernuak suizidatzeko arriskuan dauden pertsonei laguntzeko baimenak ezarriko ditu, Mas Paisek proposatuta otsailaren 23an Kongresuan onartu zuten legez besteko proposamenari erantzunez, Gizarteratze, Gizarte Segurantza eta Migrazio Ministerioak eta Iñigo Errejonen alderdiak aurreratu dutenez.
Gizarteratze ministro Jose Luis Escriva eta Mas Paiseko bozeramaile Iñigo Errejon bart bildu dira baimen hori martxan jartzeko beharrezkoak diren ildoak zehazte aldera.
Gobernuak patronalarekin eta sindikatuekin aztertuko du orain lan baimena nola ezarri, "hur-hurreko suizidioa aurreikusten den egoeretan biktimek gertukoen laguntza eta zaintza izan dezaten".
Proposamenaren arabera, gehienez hamabost eguneko iraupena izango luke baimenak, eta ez luke soldatan eraginik izan beharko.
Iaz, Espainiako Estatuan, heriotza ez naturalen artean nagusi izan zen suizidioa. Guztira, 4.003 pertsonak egin zuten bere buruaz beste.
Mas Paiseko iturriek esan dute frogatuta dagoela erabat garrantzitsua dela suzidatzeko arriskuan dauden pertsonek ingurukoen laguntza izatea.