Mendiko istripuak
69 urteko mendizale bat hil da Bastidan, gandor batetik erorita
EITB Media
Erreskate taldeek biktimaren gorpua aurkitu eta lekutik atera dute dagoeneko.
Mendizalea hildako Bastidako mendiaren irudietako bat. Argazkia: EITB MEDIA
69 urteko mendizale bat hil da igande honetan, Bastidako (Araba) gailur batetik erorita.
Goizeko 09:00ak aldera gertatu da. SOS Deiak 112 zerbitzuak deia jaso du, Bastidako mendi baten gailurretik oinez zihoan gizon bat "Conchas de Haro" deritzonetik gertu zegoela ohartarazteko.
Gorpua lur-eremu malkartsuan zegoenez, Ertzaintzaren Zainzta eta Erreskate Unitateak eta suhiltzaileek berreskuratu behar izan dute. Gasteizko Txagorritxu Ospitalera eraman dute helikopteroz, eta bertatik Auzitegiko Institutu Anatomikora.