Eguraldia
Euskadik abisu horia ezarri du, euriteengatik, 21:00ak arte
Agentziak | EITB Media
Abisu horia 15:00etatik 21:00etara egongo da indarrean, eta, aurreikuspenen arabera, 15 l/m2 baino gehiago gainditu litezke ordubetean, batez ere hegoaldean.
Pertsona batzuk euritik babesten, Gasteizko Salburua auzoan. Artxiboko argazkia: EFE
Eusko Jaurlaritzako Larrialdiei Aurre Egiteko eta Meteorologiako Zuzendaritzak abisu horia ezarri du astearte honetarako, prezipitazio handiak izateko arriskuagatik, Segurtasun Sailak jakitera eman duenez.
Abisu horia 15:00etatik 21:00etara egongo da indarrean, eta, aurreikuspenen arabera, 15 l/m2-tik gora pilatu litezke ordubetean, batez ere hegoaldean.
Iragarpenaren arabera, zaparrada trumoitsuak botako ditu, eta baliteke han-hemenka handiak izatea, batez ere hegoaldean. Zaparradekin batera txingorra ere bota lezake.