Espetxera bidali dute Aretxabaletako tiroketan atxilotutako gizona

Aretxabaletan (Gipuzkoa) bi gizon tiroz zauritzeagatik atxilotutako 39 urteko gizona espetxera eraman dute, Bergarako guardiako epaileak erabakita. Giza hilketaren saiakuntzaren delitua egozten diote, baita armak legez kanpo edukitzea ere.

Gizona abuztuaren 31n, astelehena, atxilotu zuen Ertzaintzak, bere etxean, Aretxabaletako erdigunean 6:00etan izandako liskar baten ondoren. Erasoaren tokitik ihes egin zuen gizonak.

Liskarrean, suzko arma batekin beste bi gizon zauritu zituen atxilotutakoak. Bi zaurituak erietxera eraman zituzten.

Etxean Ertzaintzak egindako miaketan suzko armak, aire konprimatutako armak, arma zuriak eta lehergailuak erabili ohi diren substantziak aurkitu zizkioten, Segurtasun sailak jakinarazi duenez.