Uretan zegoen gorpu bat erreskatatu dute Donostian, Zurriola parean

EITB MEDIA

Publikatuta: 2023/09/04 20:11 (UTC+2) Azken eguneratzea: 2023/09/05 08:28 (UTC+2)

Sorosleek atera dute gorpua uretatik, eta larrialdi-zerbitzuak saiatu diren arren, ez dute bere onera ekartzea lortu.

Ertzaintzaren bionboa, Zurriolako hondartzan. EITB Mediaren bideo batetik hartutako irudia.

Pertsona baten gorpua erreskatatu dute gaur arratsaldean Zurriolako hondartzan, Donostian, Ertzaintzak eitb.eus-i baieztatu dionez.

Sorosleek erreskatatu dute, eta osasun-zerbitzuak suspertzen saiatu diren arren, ez dute lortu.

Ertzaintzak bere gain hartu du ikerketa. 18:45 aldera jaso dute abisua, eta agenteak eta osasun-langileak bertaratu dira.